Բնակարանամուտ՝Լոռու մարզում

88-ի ավերիչ երկրաշարժից 27 տարի է անցել, սակայն, Հայաստանի հյուսիսում, ցավոք, դեռ առկա են արհավիրքի հետքերը: Բազմաթիվ ընտանիքներ տարիներ առաջ դարձան տնազուրկ, նրանցից շատերը մինչ օրս էլ կառուցում են` շարունակելով հուսալ, որ մի օր նորից տուն կունենան:
Մարգարյանների ընտանիքը մեկն է Լոռու մարզի Լեջան գյուղում բնակվողներից, որոնք արհավիրքի հետևանքով զրկվել են իրենց տնից և առ այսօր ապրում էր ժամանակավոր կացարանում: Առանց կոմունալ հարմարությունների, փոքր ու անշուք վագոն-տնակը Մարգարյանների երկու զավակների համար եղել է տան միակ նախատիպը. դուստրն արդեն ամուսնացել է, իսկ որդին չի ամուսնանում՝ պայմանների պատճառով:
«Իմ և ամուսնուս երիտասարդությունն անցել է այս դոմիկում: Ամուսինս այս էլ քանի տարի գնում է արտագնա աշխատանքի, որ կարողանանք քարը քարին դնել ու տուն կառուցել՝ գոնե մեր որդու համար, սակայն տարիներն անցնում են, ու մենք մինչև վերջերս միայն պատերն էինք կառուցել: Այսօր, երբ տեսնում եմ մեր կառուցված տունը, չեմ հավատում աչքերիս: Իմ ամբողջ կյանքի երազանքը կատարվել է այսօր»,- ասել է ընտանիքի մայրը՝ Հասմիկը:
Մարգարյանների տուն ունենալու վաղեմի երազանքն իրականություն է դարձել ՎիվաՍել-ՄՏՍ-ի ու Հայաստանի «Ֆուլեր Տնաշինական Կենտրոնի» համագործակցության շնորհիվ: ՎիվաՍել-ՄՏՍ-ի գլխավոր տնօրեն Ռալֆ Յիրիկյանը, ընկերության աշխատակիցները, ինչպես նաև Հայաստանի «Ֆուլեր Տնաշինական Կենտրոնի» թիմն այցելել են Մարգարյաններին՝ նրանց հետ բնակարանամուտի ուրախությունը կիսելու համար:
«Հնարավոր չէ կանխատեսել կյանքի ընթացքն ու սպասվող դժվարությունները: Երազել, սակայն, հարկավոր է: Երբ մարդն ունենում է բավարար վճռականություն և կամք՝ գտնում է նաև գոյություն ունեցող խնդիրների լուծման ճանապարհը: Երբեք չի կարելի տրվել հուսահատությանը: Տարիներ շարունակ այս ընտանիքը ջանքեր է գործադրել՝ նվիրական երազանքն իրականացնելու համար: Բարեկամաբար ձեռք մեկնած կազմակերպությունների աջակցության շնորհիվ՝ այսօր դժվարություններն արդեն անցյալում են: Հաճելի է տեսնել, թե ինչպես է ևս մեկ ընտանիք տոնում երկար սպասված բնակարանամուտը»,-ասել է ՎիվաՍել-ՄՏՍ-ի գլխավոր տնօրեն Ռալֆ Յիրիկյանը:
«Այս տարի Լոռու մարզում իրականացվել է կիսակառույց երկու տան շինարարություն: Եվս երեք ընտանիքի համար էլ իրականացվել է տանիքի վերանորոգում: Երջանիկ եմ տեսնել այս ընտանիքի ուրախությունը, ում տուն ունենալու երկարատև սպասումը վերջապես ավարտվեց»,- ասել է Հայաստանի «Ֆուլեր Տնաշինական Կենտրոնի» նախագահ Աշոտ Եղիազարյանը:
Բնակարանաշինության ծրագրի իրականացման համար 2015թ.-ին ՎիվաՍել-ՄՏՍ-ը 100 մլն ՀՀ դրամի ներդրում է կատարել (2014թ.-ին` 55 մլն դրամ), իսկ Հայաստանի «Ֆուլեր Տնաշինական Կենտրոնն» իրականացնում է այն: Այս համագործակցության շնորհիվ՝ 2007թ.-ից մինչև տարեվերջ բարեկարգված կամ կիսակառույց տան շինարարությունը ավարտին հասցրած ընտանիքների թիվը կհասնի 93-ի:

ՎիվաՍել-ՄՏՍ… Դու կապ ունես:

ՎիվաՍել-ՄՏՍ-ը (Ղ-Տելեկոմ ՓԲԸ) Հայաստանում հեռահաղորդակցության առաջատար օպերատորն է, որն ունի ամենահզոր 2G/3.75G/4G ցանցը և տրամադրում է ձայնային և տվյալների փոխանցման ծառայությունների բազմազան տեսականի` Հայաստանի ամբողջ տարածքում: Գործունեության հիմք ընդունելով իր բաժանորդների շահերին լավագույնս ծառայելը, հիմնադրման օրվանից` 2005թ. հուլիսի 1-ից, ՎիվաՍել-ՄՏՍ-ը կարճ ժամանակամիջոցում կարողացել է ստեղծել համահանրապետական ցանց և բաժանորդների մեծ բազա: ՎիվաՍել-ՄՏՍ-ը նորարարությունների առաջատարն է և հետամուտ է ոլորտի բոլոր զարգացումներին` ի շահ երկրի շարժական հեռահաղորդակցության շուկայի: ՎիվաՍել-ՄՏՍ-ն իր գործունեության մեջ առաջնորդվում է ISO 26000 (Սոցիալական պատասխանատվության միջազգային ստանդարտ) և ISO/IEC 27001:2013 (Տեղեկատվական անվտանգության կառավարման համակարգ) ստանդարտներով: Հավելյալ տեղեկություններ ստանալու համար այցելեք www.mts.am
* * *

«Մոբիլնիյե Տելեսիստեմի» ԲԲԸ-ն (ՄՏՍ) Ռուսաստանի և ԱՊՀ երկրների բջջային կապի խոշորագույն օպերատորն է: Դուստր ձեռնարկությունների հետ միասին կազմակերպությունը սպասարկում է ավելի, քան 100 միլիոն բաժանորդի: Ռուսաստանի բոլոր տարածաշրջանների, ինչպես նաև Հայաստանի, Բելառուսի, Ուկրաինայի, Ուզբեկստանի և Թուրքմենստանի բնակչությունը, որտեղ ՄՏՍ-ը և իր դուստր ձեռնարկություններն ունեն լիցենզիա GSM ստանդարտներին համապատասխան ծառայություններ մատուցելու համար, կազմում է ավելի քան 200 միլիոն մարդ: 2000թ-ից «ՄՏՍ»-ի բաժնետոմսերը գնանշված են Նյու Յորքի բորսայում MBT ծածկագրի տակ: Հավելյալ տեղեկություններ ստանալու համար այցելեք www.mtsgsm.com

* * *
Հայաստանի «Ֆուլեր Տնաշինական Կենտրոնը» բարեգործական հասարակական կազմակերպություն է, որն աջակցում է Հայաստանի և Արցախի հանրապետություններում ցածր եկամուտ ունեցող ընտանիքներին կառուցել և վերանորոգել պարզ, հարմարավետ և մատչելի տներ՝ տալով նրանց երկարաժամկետ, անտոկոս փոխառություններ, ինչպես նաև իրականացնում է տնազոhւրկների շահերի պաշտպանություն՝ դարձնելով այն խղճի հարց և գործելու մղում։ Ամենամսյա ետվճարներից կազմվում է շրջանառու ֆոնդ և օգտագործվում այլ ընտանիքներին աջակցելու նպատակով՝ այսպիսով դառնալով համայնքային զարգացման կայուն ֆինանսական հիմք։ Առ այսօր կազմակերպությունն աջակցել է 450-ից ավելի ընտանիքների:

Լրացուցիչ տեղեկությունների համար կարող եք այցելել՝ www.fcharmenia.org կամ գրել fcarmenia@fcharmenia.org էլ հասցեին:

Об Авторе

ПЯТНИЦА

Независимая еженедельная газета

Похожие материалы

Оставить отзыв

Ваш e-mail не будет опубликован. Обязательные поля помечены *